الســ عليكم ــلام
حبيت اسألكم سؤال ..
اذا خانك اعز ناسك وش الابيات اللي ممكن تجي على بالك ؟؟
و ش الابيات للي تحب تنقلها لهذا الخائن ؟؟!
وانا عن نفسي اعجبتني هالابيات ..
ماهو بأنا اللي تبتعد ويترجاك ..
أنا اللي من قفيت عني نسيتك ..
ماني بخاسر شي في يوم فرقاك ..
وبلقى بدالك مثل مالقيتك ..
روح واللي خلقك خلق مليوووون وياك ..
وانا بعد باروح وأنسى اني هويتك..
هذي نبر2 شكلك تبي تبدى معاي الخيانه ..
لا ياحبيبي هونك شوي هونك ..
انا اللي بأنهي الحين قصه هوانا ..
وأنا اللي بأبدي بالخيانه واخونكـ ..
وهذي نبر3 حامد زيد غدر الا صحاب
اتمنى ان تعجبكم
يا كثر مـا رافقـت خـلان واحبـاب
ويا كثـر مـا فـي شدتـي هملونـي
على كثر ما أعدهـم ستـر وحجـاب
على كثـر مـا احتجتهـم واتركونـي
من صارت الخوه ثمن حفنـة تـراب
نفس الوجيه اللي نصوني نسونـي
من غير ذكر فروق، وعروق، وأنساب
كانـوا ثلاثـة ...والثلاثـة جفونـي
علمتهم وشلـون الأهـداف تنصـاب
ولما سواعدهـم قـوت..صوبونـي
--------
عشاني أصغرهم عمر صاروا أحـزاب
عشانـي اصدقهـم قصيـد اظلمونـي
اللي نجاح اسمي زرع فيهـم أنيـاب
حتى النصيحة مـا بغـوا ينصحونـي
دام العطايـا عندهـم ديـن وأتعـاب
والله لو أطلـب ذنبهـم مـا عطونـي
طالب نصيحة، كنـي طالـب أرقـاب
وهي نصيحة؟!كيـف لـو زوجونـي؟
كنت أكتب لنفسـي مشاريـه وعتـاب
ولا ادري إن اللي قروني...قرونـي
تضاربت من دونـي عقـول وألبـاب
واجد بغوا غيري...وواجـد بغونـي
أقفل هدب...تسهر على شعري أهداب
كني حبسـت إرقادهـم فـي جفونـي
لو شفتهم واحد...يشوفوني اسـراب
مـن ويـن مالـدوا نظرهـم لقونـي
أثري وجودي بينهم محرق أعصـاب
ومزعل بعضهم من بعض لو طرونـي
يا كبري بعينـي وأنـا تونـي شـاب
واهـم كتـاب الشـعـر حاربـونـي
حتى ولو يهوي على نجمـي شهـاب
يكفينـي إن إسمـي كبيـر بعيونـي
كد قال ابوي:ان هبتهم قول:ما هاب
لو يقدرونـك قـول:مـا تقدرونـي
مادام قبـري محتضـن راس مرقـاب
علـى كثـر مـا تقـدرون ادفنونـي
لو ماني بذيب إنهشت عظمـي ذيـاب
لو ما عرفت اثبـت وجـودي لغونـي
لو ما سكنت وجيههـم مـت بغيـاب
لو ما قدرت أمحـي ورقهـم محونـي
أصبحت الأصعب لأنهم كانوا اصعـاب
جننتـهـم مـثـل مــا جننـونـي
أصلا لـو أن بخوتـي شـي ينعـاب
ذبحـت نفسـي قـبـل لايذبحـونـي
أنا يدي لـو ماكسـت متنـي ثيـاب
نذر ٍ على لقطع يـدي مـن متونـي
موعيب أجي مدعو ولا أشوف ترحاب
العيب لـو إنـي رجعـت إن دعونـي
__________________
أنتظر ردودكم ياعيوني.....
الخميس أكتوبر 23, 2008 3:26 am